دوه کاله وړاندې د امريکا متحدو ايالتو ولسمشر ډونالډ ټرمپ امريکايي ځواکونو سره د پاکستاني پوځيانو ګډ تمرينونه وځنډول خو اوس يې يو خل بيا د دغه تمرينونو د تر سره کېدو اجازه ورګړه.
پاکستان د دغه تمريناتو بيا پيل د اسلام اباد او واشنګټن ترمنځ د اړيکو د يو ځل بيا ښه کېدو پيل بللی او هر کلی يې کړی دی. په تېر جولای مياشت کې ولسمشر ټرمپ او لومړي وزير عمران خان په دې اړه خبرې کړې وې.
د امريکا متحدو ايالتو بهرنيو چارو وزارت په يوې خبرپاڼې کې د دغه تمرينونو د پيل ويلي دي. د واشنګتن او اسلام اباد ترمنځ اړيکې هغه وخت خرابې شوې چې ټرمپ پاکستان تورن کړ چې مرستې اخلي خو د ترهګرۍ سره مبارزه کې همکاري نه کوي.
