ښکلي يار نه خو انکار اسانه نه دى
هسې وايي خو داکار اسانه نه دى
چې بدراشي زړه دسترګو په لمسون
راوستل يې په دوبار اسانه نه دى
چې مدام په سوال زارۍ ورته لګيايي
دا منت هم دريبار اسانه نه دى
هميشه دبل په غم باندې غمجن وي
ژوندون هسې خوارو زار اسانه ندى
چې قبول نه کړې منت دريبارانو
ښايسته مخ ليدل ديار اسانه نه دى
چې په تمه يې دنن او دسباکړي
دا د عمر انتظار اسانه نه دى
چې وزريې په ازغو کې څيرې نه شي
سيال دګلو دګلزار اسانه نه دى
(هاشمي ) له خپله سره تيريدل دي
ګنې تګ په دغه لار اسانه نه دى
سيدبديع الزمان(هاشمي)
S_baduzaman2000@yahoo.com
