د کولمبیا هوايي شرکت وايی، نن سې شنبه هغه الوتکه، چې د برازیل د فټبال د ټیم په ګډون ۸۱ تنه په کې سپاره وو، د کولمبیا په منځ کې رانسکوره، له شپږو تنو پرته نوره ټوله سپرلۍ په کې وژل شوې ده.
له بیړنیو پېښو سره د مبارزې مسوول موریسیو باروډي خبریالانو ته ویلي دي، چې موږ ته خبر راکړل شوې و، چې د ویرو هوايي ډګر څخه یوه الوتکه را خوځیدلې ده او په خوسیه ماریا کور هوايي ډګر کې ښکته کیږي، خو دخرابې هوا له کبله الوتکې و نه شو کولای، چې راښکته شي او دا پېښه رامنځته شوه.
په الوتکه کې د برازیل د فټبال ملي ټیم هم و، چې ټول لوبغاړي یې وژل شوي دي.
