تــــوبــــه په کار ده د چلــــونو او دوکــــو ياري شوه
ايمان په چــــاکـــــې پاتې نه شو د پيســـو ياري شوه
چې درنه خوله وغواړم وايې شډل برېت دې کل که
جــــــــــانانـــه دا دې څه د ناز او د نخــــرو ياري شوه
پخــــــوا بلۍ وه او ريبار و سترګکـــــــونه بـــــــه وه
اوس نه بلۍ شته نه ريبار د مسکالـــــو ياري شوه
له خوشالـــــــۍ نه رقيبان جامو کـــــې نه ځاييږي
زما ( يرغل ) او د جانان چې د لانجـــــو ياري شوه
انوارالحق يرغل ننګرهار
