څومره ژر راغلو خزان زما د مینې
چې انکار وکړو جانان زما د مینې
سحرونه په هر چا د مینې ښکاري
په ما راغلو ماښام زما د مینې
چې ایرې ایرې یې ګورم اوس پرتې دی
چا سیزلی دی ارمان زما دمینې
د زړه دشت کښې د غاټول غوټۍ شوي مړاوي
چې پري نه اوری باران زما د مینې
په دوستی خو مې هیڅوک خواته رانغلل
ګردچارپیردې رقیبان زما د مینې
چې صافی درته حیران چوکۍ کې ناست دی
نه پوهيږم چې دا جهان که زندان زما د مینې
احمد ضیا ساپی
