اواز می نه اوری دا کاڼه پښتانه
په لر او بر باندی میشته پښتانه
له درانه خوبه به یی څنګه ویښ کړم
دا د غفلت په خوب ویده پښتانه
لکه چی دی غم له پیدا نړی کی
په برخه خوار دا پښتانه پښتانه
خپلو کی غم د یو او بل نه وینی
په غټو سترګو دا ړانده پښتانه
غم تر هغو به تری نه ونه وځی
تر څو نفاق باندی اخته پښتانه
د بخت بیړی به یی روانه څنګ شی
یو بل ته ناست دی په ماشه پښتانه
د دوی حالت باندی اسمان هم ژاړی
کله به شی نور اسوده پښتانه
که له حالاتونه خبر نه کړی ځان
د مرګ په خوله به وی پراته پښتانه
دیرو ضمیر نن په پيسو خر څ کړی
ځکه ورک شوی دی درانه پښتانه
له جنګه خلاص به شی دوی هله مطیع
که شی خپل منځ کی ټول جرګه پښتانه
مطیع تر منځ یی اتفاق غواړی نور
ډوب په نفاق خواره واره پښتانه
مطيع الله رووفي
2010
