ټپی زخمی ځیګر می تاته ښایم
ټڼی تڼی ګریوان دنیا ته ښایم
ستا ستمونه اوظلمونه دلته
دا بی رحمی به زه اوس جاته ښایم
ستا دی قوت او ټول غرور درسره
زه به همت هری بلا ته ښایم
ستا دی روزی شی دا ځوانی او ښکلا
زه به می سری اوښکی الله ته ښایم
ستم کوه د وفا نوم وانخلی
زه خووفا به ستا جفا ته ښایم
ښاماره ماغلام کولای نشی
ستا اصلیت به هری خوا ته ښایم
پښتون همت می ماتولی نشی
ګذار د توری دی تادا ته ښایم
لږ خو می بریږده چی یو ځل ورشمه
د وینو ډک زړګی اشنا ته ښایم
مطیع زخمی دی د خپل ورور له لاسه
فریب ټګی به یی دنیا ته ښایم
مطيع الله رووفي
