په غزني کې د اتو تنو مسافرينو مړي موندل شوي

په غزني کې د هغو اتو تنو مسافرينو مړي موندل شوي، چې د طالبانو له خوا په  لاره کې کوز شوي وو. طالبانو  د کندهار – غزني  پر لويه لار د مسافرو يو بس درولی و او اته تنه يې له حکومت سره دتړاو له امله  کښته  کړي وو. د  امنيتي چارواکو په وینا ، دغه کسان  بېګا شپه وژل شوي او بیا يې مړي غورځول شوي دي. تر اوسه طالبانو د پېښې مسووليت پر غاړه  نه دی اخېستی.
د يادونې  ده ، تر هغه وروسته چې د طالبانو مشر ملا محمد عمر  د اختر په مناسبت خپل پيغام کې د  ملکي وګړو له ژوندسره د پاملرنې غوښتنه  کړې، د طالبانو له خوا  دبېګناه ملکې وګړو وژنو زور اخېستی دی.