پرون د پاکستان
لوی درستيز جنرال پروېز اشفاق کياني په راولپنډۍ کې له خپل روسي سيال (جنرال
ولاديمير چېرکين) سره د افغانستان د حالاتو
او په ځانګړې توګه تر ۲۰۱۴ کال وروسته
د ناټو ځواکونو پر وتلو خبرې وکړې. دواړو لوريو ټينګار وکړ چې امريکا
بايد د خپلو ځواکونو د ايستلو په اړه يوه
دقيقه لارنقشه وړاندې کړي. دېپلوماتيکې سرچينې وايي، چې روسيه د امريکايي
ځواکونو تر وتلو وروسته په افغانستان کې دکورنۍ جګړې له پيل څخه په اندېښنه کې دی چې له امله به يې ښايي ترهګرې ډلې د روسيې پولې وګواښي. بل
خوا دواړه هېوادونه په افغانستان کې د
امريکې له پوځي اډو سره مخالف دي.
پاکستان او روسيه
په اتيايمو کلونو کې د يو بل دښمنان وو،
خو په وروستيو وختو کې د ګډو اندېښنو له کبله يې په اړيکو کې ښه والی راغلی دی.
