د جرمني مشهوره خپرونه (شپيګل)
د اډوارډ سنوډن د شواهدو پر بنسټ وايي، چې امريکايي استخباراتو يوازې په يوه مياشت
کې د ۱۲۲ هېوادونو د دولتي مشرانو په اړه جاسوسي کړې، د دوی خبرې يې اورېدلې دي، د
دوی مهم ګزارشونه يې ثبت کړي او د دوی په اړه يې مالومات ټول کړي دي. د خبر له مخې
د ۲۰۰۹ کال په می مياشت کې امريکايي استخباراتو د جرمني د کانسلرې انګېلا مېرکل، د
اوکراين او سپينې روسيې د مشرانو جاسوسي کړې ده. تر دې وړاندې هم د جرمني او
امريکې تر منځ د هغه ګزارش پر سر اړيکې ترينګلې شوې وې، چې امريکايي استخباراتو د
مېرکل ټېلېفوني خبرې اورېدلې وې.
