ځواب ډېر ساده او ننگین دی: پرېکړه د واقعي دلایلو پر بنسټ نه بلکې د معاملې پر بنسټ تر سره شوې ده.
چا چې بیه پرېکړې ده، هغوی هغه استبدادي نظامونه دی، چې د صهیونستانو د فشار راوړلو او ترهگرو ډلو سره په همغږۍ یې داسې رییس موندلی چې سیاست د دلالۍ ډگر ګڼي او هرڅوک چې لوړه بیه پرې کوي، پرېکړه ګټي!! نو د نوموړي سوداگر رییس شتون یې د دې پرېکړې لپاره په لاس ورغلی غوره فرصت بللي، تر څو دې هدف ته چې تر دې مخکې یې په تر لاسه کولو کې پاتې راغلي وو ځان ورسوي...
خو ولې عربي استبدادي نظامونه او صهیونستيان د خوان المسلمین په شیطانۍ او ورڅخه په شکایت لاس پورې کوي؟
ځکه چې دوی هغه څه تر سره کړي دي، چې عربي استبدادي نظامونه یې په پېړیو پېړیو د ترسره کولو څخه عاجز پاتې شوی دي!د خلکو په زړونو کې یې ځای نیولی..انتخاباتو ته ننوتل او بریالي شول.. ټولنو ته نېږدي شول او غیږ یې ورته خلاصه کړه.. د خلکو د اعتماد وړ ملي پروسې یې وړاندې کړې.. هغه څه چې په عربي نړۍ کې استبدادي او وراثي نظامونه نه شي زغملی، ترڅو د بریالیو خلکو بېلگې په ټولنه کې وگوري؛ولسي حکومتونه او د اقتدار بېلگې وګوري؛ د وینې توېدو څخه پرته د واک تداول وگوري؛ په داسې حال کې چې دوی د زور او اور په وسیله په خلکو حکومت کوي!!!
د اخوان څخه د عربي نظامونو وېره د سختدریځه فکر څخه نه دی، ځکه ټولنې او خلکو په دې پوهېږي چې د اخوان ادبیات او فکر د سختدریځۍ او تندروۍ څخه لوی واټن لري، بلکې د دوی وېره د اخوان المسلمین له ولسي ملاتړ او مشروعیت څخه ده، چې کې یې نوره وده وکړه، په سیمه کې به ټول استبدادي نظامونه راوپرزوي.
بل لور ته د اخوان په اړه دصهیونستانو اټکلونه ډېرڅرگند او ښکاره دي: اخوان د خپل متوازان او معتدل فکر او ولسي ملاتړ او سیمه ییز امتداد له کبله هغه یوازنی اوږد مهاله گواښ او خطر دی، چې د دوی وجود په سیمه او نړۍ کې گواښي.
اخوان وسله وال حرکت نه بلکې هغه نړیواله مسالمت آمیزه پراختیاي پروژه وړاندې کوي، چې که تطبیق شوه، په سیمه کې د ځواک او واک موازین او معیارونه بدلوی شي. لدې کبله په دې کې شک او حیرانتیا نه شته چې دغه عربي او صهیوني اتحاد او همغږي د نوموړي (ترهگریز تصنیف) د مفکورې څښتن وي..او ټرمپ یوازې یو سوداگر دی چې د بیې او قیمت په بدل کې یې خپل لاسلیک کړی وي او که اخوان المسلیمن تر دې ډېرې پیسې درلودی او لوړه بیه یې پرې کړی وی، نو به د ترهگرو نظامونو په توگه د عربي استبدادي نظامونه تصنیف شوي وو!!
نو آیا اخوان المسلیمین په رېښتیا ترهگره ډله ده او که خپله د ترهگرۍ قرباني شوې ده؟
راځئ د دې پوښتنې حقیقي انځور وړاندې کړو:آیا په عربي نړۍ کې داسې ډله شتون لري، چې پرلپسې زندانونو ته واچول شي؛ نظامي انقلابونه پرې تر سره شي؛غړي یې په پرلپسې توگه اعدام شي..او بیا یې هم د سولې او مسالمت لاره خپله کړې وي او وسلې ته یې لاس نه وي اچولی، سره لدې چې د وسلوال مقاومت امکانات هم له ځانه سره ولري؟
تاریخي انځور پوره روښانه او څرگند دی: په مصر کې د خونړي نظامي انقلاب په ذریعه راوپرزول شول؛ خو سړکونو ته رووتل او وسلې ته یې لاس نه کړ؛ او خپله مشهوره خبره او مشهور شعار یې پورته کړ: «مسالمت آمیزه حرکت مو تر مرمۍ زورور دی».. او په تونس کې یې له هغه واک څخه ویستل چې په انتخاباتو او د خلکو په رایه یې تر لاسه کړی وو ، خو بیا یې هم د وسلې په ځای د وینا او مظاهرو لاره خپله کړه او په الجزائر، سودان، مغرب کې یې هم په سیاسي وسایلو او تگلارو سیاست وکړ او وسلې ته یې لاس یو نه وړ!!!
دا خو بیا د ترهگرې ډلې رفتار او ځانگړنې نه دي، بلکې د یوې سیاسې جوړښت او ډلې چې په خلکو کې ژورې جرړې لري رفتار او ځانگړنې څرگندوي، هغه جوړښت چې باور لري، تر ټولو لوی ځواک اخلاقي ځواک دی.
خو ریښتنې او واقعي ترهگرې ډلې او جوړښتونه ټولې په دې راټولې شوې او یوه خوله دي چې اخوان المسلمین ترهگره ډله او جوړښت دی، ځکه چې له تکفیر، سختدریځۍ او د وسلې له استعمال څخه ډډه کوی.. نو څرنگه به ترهگره ډله وي، چې ترهگرو ډلو ته د منلو وړ نه ده؟
هغه حقیقت چې دوی ورڅخه وېره لري، تر څو پرې اعتراف وکړي، هغه دا دی چې اخوان المسلیمن دخپل پراخ مفهوم او اعتبار په اساس په عربي او اسلامي نړۍ کې هغه یوازنی ټولنیز بهیر دی چې د څو لسیزو په ترڅ کې یې دا ثابته کړې ده، چې دوی له پراخ ولسي ملاتړ څخه برخمن دي؛ انتخابات مني؛ په مسالمت آمیزه توگه د واک لیږد او تداول مني؛ هر اړخیزه فکري،سیاسي، اقتصادي او ټولنیزه پروژه لري؛ او هر ځل دا ثابتوي چې د استبداد په وړاندې یو پیاوړی منظم او منسجم او بانضباطه لوری دی.او دا هغه حقیقت دی چې عربي استبدادي نظامونه ورڅخه وېره لري... هغه حقیقت دی چې صهیونستي جوړښت یې د له منځه وړلو په لټه کې دی... او دا هغه حقیقت دی چې ټرمپ یې د معاملې په بدل کې د تحقق هڅه وکړه.
او لوی توپیر: آیا نوموړي تصنیف به اخوان ته زیان ورسوي؟
نه هیڅکله هم نه...بلکې دا ورته ګټه رسوي؛ځکه هغه غربي نظامونه چې د تاریخ په اوږدو کې یې د دغه ډول فشار په وړاندې مقاومت وکړ او ودرېدل او دا یې وه نه منله چې اخوان د ترهگرې ډلې په توگه تصنیف کړي، په دې ښه پوهېدل چې هغه ډله چې وسله نه پورته کوي او تر څو نظامي انقلابونو وروسته یې هم یوه مرمۍ نه ده فیر کړې، شونې نه ده چې د ترهگرې ډلې په توگه تصنیف شي، مگر دا چې د کومې معاملې او یا غلطې پرېکړې به اساس دا کار وشي، څرنگه چې ترمپ وکړ!
او مظلوم کله چې پرې ظلم وشي، کمزوری کېږي نه، بلکې د ظالم ظلم یې څرګڼدیږي.
نړۍ په هرو مرو په دې پوه شي او په دې حقیقت به یوه ورځ اعتراف وکړي چې نوموړي تصنیف د اخوان له حقیقت سره بشپړ توپیر لري، بلکې د اخوان څخه د وېرې کچه او برید څرگندوي او هغوی چې لدې مفکورې څخه وېره لري، په حقیقت کې د مفکورې له څښتانو څخه ډېر کمزوري او ضعیف دی!!
نو په حقیقت کې اخوان ترهگره ډله نه ... بلکې اخوان یو گواښ او خطر دی؛ دفساد په وړاندې گواښ؛ د استبداد په وړاندې گواښ؛ د اشغال په وړاندې گواښ؛ او د هغو نظامونو په وړاندې گواښ دی چې په محرومو، بې خبره او ناهیلو ولسونو حکومت کوي..
او په پای کې که ظلم ته د رېښینولۍ او صداقت تصدیقنامه ورکول کېدای..نو به دا تهمت او تور ورته ته تر ټولو لویه تصدیقنامه وی، الله تعالی به په دې سره په اخوان پورې د کلونو بدنامي، تقلب، تزویرو جعل او د حقیقتونو بدلول تور لرې کړي..
او دا پرېکړه – کومه چې عاقبت او پایلې یې معلومې نه دي - د عربي نظامونو ټولې ورکړ شوې پېسې، هڅې ، ټولنې او جوړښتونه یې چې د اخوان د بدنامۍ لپاره په لاره اچولي دي، به ان شاء الله بې ځایه په اوبه لاهو شي.
دغه ټولې حملې، مطبوعاتي بیانونه، او دغه د درواغو شبکې به د ولس د پوهې او حقیقت موندلو په وړاندې بې ځایه، شلې او ناهیلې پاتې شی او د تاریخ باطله دانۍ ته به وسپارل شی.
د الله تعالى قول په دې باندې غوره شاهد دی: ﴿فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ﴾.
____________
د ترهگرې ډلې په توگه د اخوان المسلمین تصنیفول ولې سمدلاسه را څرگند شول؟
لیکنه: نور الدین مهري
ژباړه:عبدالرحمن فرقاني
