پرون د افغانستان
په بېلا بېلو ولایتونو لکه ننګرهار، لغمان، نورستان، خوست، کاپيسا او د
کابل په سروبي ولسوالۍ کې د درنو سېلابونو له امله په لسګونو کسان مړه شوي او خلکو
ته درانه مالي زيانونه اوښتې دي. تر ټولو درانه تلفات د کابل په سروبي ولسوالۍ کې اوښتي، چې شاوخوا ديارلس کلي
يې نړولي او په لسګونو کسان مړه شوي دي. په خوست کې د ښځو او ماشومانو په ګډون ۱۱
تنه مړه شوي دي. له نورو ولايتونو څخه د تلفاتو کره شمېر نه دی مالوم، خو په
ننګرهار کې د ملي اردو ځواکونو په سلګونو کسان ژغورلي دي. ولسمشر کرزي هم ملي اردو
ته سپارښتنه کړې ده چې د خلکو د ژغورنې په
چار کې مرسته وکړي.
