جان کېري پاکستان ته رسېدلی

بېګا  شپه د امريکې  د بهرنيو چارو وزير جان  کېري اسلام اباد  ته ورسېد. ټاکل شوې چې نوموړی  به له لومړي وزير نواز شريف او نورو لوړ  پوړو چارواکو سره خبرې وکړي. د خبرو يوه مهمه اجنډا افغانستان اوبله يې د ډرون الوتکو بريدونه دي. پرون نوازشريف له لوی درستيز، کورنيو چارو وزير او آی اس آی له مشر سره  يوه ګډه ناسته درلوده او له جان کېري سره يې د خبرو  مهم ټکي په نښه کړل، چې د  افغانستان او پاکستان پر پوله نا امني او د ډرون الوتکو بريدونه په  کې  مهم  وبلل شول.