د خبريالانو
د حقونو مدافعينو او همداراز د افغانستان
د رسنيو څارونکي دفتر او ورسره د نی د رسنيو ملاتړيزې ادارې د پروان والي له خوا د
يوه خبريال وهل ټکول په کلکه غندلي دي. د جمعې په ماښام د پروان والي بصير سالنګي
د بخدي نيوز يو خبريال (نصرت الله اقبال) يوه رسټورانټ ته ورغوښتی و او هلته يې سخت وهلی او ډبولی و. اقبال وايي، چې
سالنګي دی په مرګ وګواښلو او ورته ويې ويل
که چېرې ويې وژني بيا به يې پلار کورته راځي او د ده پوښتنه به کوي. اقبال وايي، چې تر وهلو وروسته د سالنګي
ساتونکو نوموړی درې ساعته له ځان سره ايسار کړی و.
د اقبال د وهلو اصلي لامل په پروان کې د پراخ اداري فساد د راپورونو خپرول ښودل
شوی.
