معیاد اقامت مهاجرین افغان تا اخیر سال 2015 میلادی امروز از سوی کابینه دولت جمهوری اسلامی پاکستان تصویب شد. آقای داکتر عمران زیب چیف کمیشنر مهاجرین افغان مقیم اسلام آباد طی تماس تیلفونی که امروز با آقای مصری خان مومند آتشه امور مهاجرین در سفارت افغانستان مقیم اسلام آباد داشته گفته است: " کابینه حکومت جمهوری اسلامی پاکستان ستراتیژی ترتیب شده وزارت امور سرحدات (SAFRON) پاکستان در رابطه به مهاجرین افغان مقیم پاکستان که قبلاً در جلسه مشورتی سه جانبه با حضورداشت وزاری محترم هردو کشور و ریس اداره UNHCR در کابل تفاهم گریده بود، را به تاریخ 25 جولای 2013 مطابق به 03 اسد 1392 تصویب نمود و معیاد اقامه مهاجرین افغان مقیم پاکستان الی ختم سال 2015 تمدید گردید و پروسه توضیع کارتهای مهاجرت (PoR) در آینده نزدیک آغاز می گردد."
