د هغې سروې له مخې چې د اې بي سي نيوز او واشنګټن پوسټ له خوا په ګډه ترسره
شوې او پرون يې پايلې اعلان شوې، ۶۷٪ امريکايان په دې اند دي، چې د افغانستان جګړه
د هغو لګښتونو ارزښت نه لري چې په دې جګړه
کې کېږي. د دوی په اند د افغانستان جګړه د امريکې په امنيت کې کوم
ځانګړی رول هم نه لري. يوازې ۲۸٪ امريکايانو بيا د افغانستان جګړه د ارزښت وړ بللې ده. دا د
افغانستان له جګړې سره د امريکايانو د مخالفت تر ټولو لوړه سلنه ده چې تر اوسه
ښودل شوې او لومړی ځل دی، چې د عراق له جګړې سره د مخالفت تر کچې يې هم سلنه لوړه
شوې ده. په ۲۰۰۷ کال کې ۶۶٪ امريکايانو د عراق جګړه بې ارزښته بللې وه.
