په هلمند کې دميوند قول اردو
قومندان جنرال سيدملک ملوک وايي، چې د روان هجري لمریز کال په لومړيو څلورو مياشتو
کې په هلمند کې د ملي اردو څه باندې ۵۰۰
تنو ته مرګ ژوبله اوښتې ده، چې دا د تېر کال په پرتله په ورته وخت کې ډېر زياتوالی
ښيي. د ده په وينا په تېرو څلورو مياشتو
کې ۱۱۶ تنه سرتېري وژل شوي او ۴۰۰ تنه نور ټپيان
شوي دي. ملوک وايي، چې دا سرتېري يا د لارې سره د ماينونو په چاودنه کې او
يا هم په جګړه کې وژل شوي دي. د ملوک په وينا دتلفاتو د زياتېدو اصلي لامل دوسله
والو مخالفينو د فعاليتونو زياتوالی دی، خو په عين وخت کې ده د امنيتي
ځواکونو تر منځ د ناهمغږۍ په اړه هم شکايت وکړ. ده په ځانګړې توګه د
سنګين ولسوالۍ امنيتي وضعيت د اندېښنې وړ
وباله.
