نه پخپل ځان يم نه مې ځان لپاره زړه خوږيږي
ما مې په ځان د بل انسان لپاره زړه خوږيږي
چې درد ،سلګې .اوښکې ژړا يې په وجود تيروي
مادهغې هاغه ارمان لپاره زړه خوږيږي
دټول بشر د ټول جهان په غم غميږمه خو
ډير مې دګران افغانستان لپاره زړه خوږيږي
خداى مه کړه رنګ د سيکه مخې زمانې وانخلي
کله نه کله مې ايمان لپاره زړه خوږيږي
زما که ژوند وي په سکروټو خيردى
تيربه شو خو
جلانه! ډير مې د جانان لپاره زړه خوږيږي
څومره ظالم دی خدایه !څومره مهربان دی هغه
اف سره لمبه ده اخ د ګل د موم په شان دی هغه
قدم قدم کې ترې ماتیږی منظیرې د ښکلا
لکه شوخ باد پر سرد ګلو را روان دی هغه
د نازدانه نازک مزاج ژباړه
یې دومره کوم
په نه خبره جوړ په نه خبره وران دی هغه
اوس یې د ځوان شاعر شاعرې زمانې غلامې
اوس یې د شعر د شرنګیدلي کلي
خان دی هغه
مونږ د ګرانښت تر هغه حده
رسیدلي یوچې
هغه جلان دی جلان او جلان
،جلان دی هغه
سیدجیلاني جلان
