ګرانو يارانو دا (نظم) مې پرون دنیمروز خونړيو چاودنو نه ورسته چې په لسګونه ولسي بېګناه افغانان په کې ووژل شول او راتلونکئ اختريې په وينو رنګ کړ وليکه< او تاسو ته يې د لوستلو بلنه درکوم مننه(مشکور)
(اختر په وينو رنګ)
***********
اختر په وينو رنګ راځي ،دلبر په وينورنګ
ماښام مو دی په وينوکې سحرپه وينورنګ
******
په خپل کورکې مې وژني ،داغيارو ظلم زور دی
جونګړه مو په وينو کې ،دفترپه وينو رونګ
******
بس وينې وينې اوښکي ځي ،دهرافغان له سترګو
ليدل کتل د وينو ،او نظر په وينو رنګ
******
زمونږ د هر وګړي نه خوښئ د ژوندون اخلي
ليدل غواړي اغيار هريو نفر په وينو رنګ
*****
دخپل وطن دفاع ته مو هم نه پريدي داخلک
مرچه په وينو وينو کې سنګر په وينو رنګ
******
دخدائ په کور کې هم اوس امن نه لرو څه وکړو
جمات زما په وينوکې ، ممبرپه وينو رنګ
******
په هر لوري دوينو ابشاورنه دي بهيږي
ګلشن په وينو لت پت دی،ګودر په وينورنګ
******
زړه چودې يو فرياد کاو،په چيغو،چيغو ژاړو
چنار په وينوترشولو،نخترپه وينورنګ
*****
په هره پوله نښې د غليم دستمونو
هم غرپه وينورنګ زمونو ،کمر په وينو رنګ
******
دبڼ دبلبلانوځالې هم په لمبو وسوې
طوطيان دي په سرو وينو کې کوتر په وينو رنګ
******
د هرکس و ناکس نه مې زړه تورشو ای مشکوره!
زړګۍ په وينو ډوب زما ځګر په وينو رنګ
******
(مشکور)
