چـــــــــې تا د یادو نه وېستـــــــلی نه یم
خپلې هســـــــتۍ هم زه موندلـــی نه یم
د مینې سیند کې چې غوټه شــومه ستا
بیا لکــــــــه شـــــــــور ترینه وتلــی نه یم
د سپیلنـــي غوندې مـــجمر کې د عشق
شومـــــه لوګــی خــــــــو ګډیدلی نه یم
ستا التفــات نظـــــــر نظـــــــــر کـــــړمه
خــوف د افــــشا و ځلیــــــــــدلی نه یم
خوښـــــــې زما دي د بیلتـــون ورېځـــې
زړه مــې دی ډک خــــــو ورېدلـــی نه یم
زه د پښـــــتون د ګــونې رنــــګ یم اشنا
ستا د ستـــــــم نه تښـــــــتیدلی نه یم
څه که بیلتون دې اوښکې اوښکې کړمه
لا دې د ستــــــرګو نه لوېدلــــــی نه یم
د پښـــــتو ســـــترګو له فیــــضه حمزه
له حـــــــــــــوادثو بوږنېــــــــدلی نه یم
