په افغانستان کې د امريکايي او ناټو ځواکونو عمومي
قومندان جنرال ډېوېډ پتريوس په کونړ کې د نهو ماشومانو د وژنې له امله بښنه وغوښته
او دا ځل يې د تېر په خلاف پړه د هغوی په ميندو او پلرونو ونه غورځوله. پتريوس د
ناټو ځواکونو بريد يوه بې رحمه حمله وبلله.
د يادونې وړ ده چې ناټو ځواکونو د کونړ په غازي اباد کې
د ۶۳ ملکي کسانو د وژنې له امله، چې
زياتره يې ښځې او ماشومان وو، تر اوسه بښنه نه ده غوښتې او په هغې سربېره يې د
وژنو پړه د ماشومانو پر خپلو ميندو او پلرونو اچولې ده.
