ایراني مشران او سوداګر پر افغان پاسپورټ له خپله هېواده تښتي

په ایران کې ،چې اوسمهال  دولسي پاڅون پر پوله ولاړ دی او اپوزیسیون  په ټول هېواد کې دپراخه لاریون غوښتنه کړې ده یو شمېر ایراني مشران او مشهور سوداګر دخپل ځان  او کورنیو دژغورنې په موخه   دپېسو په بدل کې افغان پاسپورټ اخلي او له هېواده وځي .
یو ایراني خبریال  دخپل نوم  دنه ښودلو په شرط  رسنیو ته ویلې دي  : دا سوداګر او حکومتي  چارواکي  دهغو کسانو په  همکارۍ  له ایرانه  وځي ،چې دجعلي اسنادو په جوړونه کې لاس  لري  خبریال وايي : دا افغاني پاسپورټونه په مشهد او زاهدان کې دافغان کونسلګریو دمسوولینو په لاسلیک او مهر  دپېسو په بدل کې  ایراني کورنیو ته ورکول  او له ایرانه  ېې دوتلو زمینه برابروي .
په افغانستان کې دبهرنیو چارو وزارت  ویاند ظاهر فقیري  دا ډول خبرونه رد کړل  دیادونې ده ،چې دبرهان الدین رباني او طالبانو دواکمنیو پر مهال یو شمېر بهرنیانو افغان پاسپورټونه  او تذکرې  کارولې  .