په کونړ کې د ٣ افغان ژورنالېستانو
پروروستۍ ځورونې د جلالکوټ ادبي خوځښت غبرګون!
دا
لومړى ځل نه دى چې واقعيتونو ته د ځان رسونې پرهڅو بوخت افغان خبريالان د جګړه
ييزو غاړو لخوا کړول کېږي،د دې کارپرله پسې تکرار ښيي چې د روانې ناروا جګړې ټول
سمبالګر د خپلو طبيعي ځانګړنو له مخې د ډېرو نورو ارزښتونو په شان د ژورنالېستيکو ارزښتونو او واقعيتونو د رابرسېره
کېدو خلاف هم دي.
جلالکوټ
ادبي خوځښت خواشينى دى چې د همدې نارواوو په لړکې تېره اونۍ د الجزيرې نړيوال
ټلويزون دوه افغان خبريالان(سيدعبدالله نظامي او سعدالله ساحل))او د افغان نيوز
ټلويزون خبريال ذبيح الله غازي د بهرنيو ځواکونو لخوا د کونړ په بمبارځپلې غازي
اباد ولسوالۍ کې ترنيول کېدو وروسته اته وېشت ساعته په ناحقه او ناروا ډول بنديان
شول.
د
خوځښت ټول غړي نه يوازې داچې د قانون خلاف داسې چارې په کلکه غندي او د نه تکرار
غوښتنه يې کوي،له خپلو دې او نورو ټولو رېښتيامينو هېوادوالو غواړي چې د جبرګرو دې
ګواښونو ته دې په نه پاملرنې سره همدغسې د خپلو مسلکي-اخلاقي او ملي ارزښتونو
ملګري او د رېښتياموندنې مينه وال پاتې شي.
په
همدې او په هېواد کې د روان ناورين له شيندل شوو اغېزو د ټولو افغانانو په ځانګړې
توګه د قلموالو او روڼ اندو د خونديتوب په هيله!
ارشادرغاند
د جلالکوټ ادبي خوځښت مشر
ننګرهار
