د بي بي سي خبري رسنۍ ،د ((کلمه )) ويبسايټ له
قوله ليکلي، چې د ايران حکومت د اپوزيسيون يو تن مشر ميرحسين موسوي او مېرمن يې زهرا
رهنورد کوربندي کړي او تر څارنې ﻻندې دي.
خبر زياتوي، چې د سلواغې
مياشتې له 25 مې
نېټه راهيسې دوی تر څارنې ﻻندې نيول شوي وو او دوه ورځې وروسته يې د دوی ساتوونکي
هم ليرې کړي او حکومتي امنيتي ځواکونو کور تر څارنې ﻻندې نيولی او له بهر سره يې
اړيکې پرې شوي دي.
د
ايراني حکومت ضد سياسي فعالينو،خبري رسنيو، په دغه هېواد کې د سياسي نيونو د لړۍ د
پيل کيدو خبر ورکړی دی.
د
((کلمه)) خبري ويبپاڼې څو ورځې د مخه داسې رېپوټونو هم خپار کړي وو ، چې د ايران حکومت د محمد خاتمي په حکومت کې د رفاه
وزير محمد حسين شريف زادګان د موسوي اخښی ،صالح نقره کار (په ټاکنو کې د ښاغلي موسوي د حقوقي کميټې
مشر) ، دوه تنه خبرياﻻن ميثم محمدی و اميد محدث او
همداراز د ((بهشتي بنسټ )) غړي، مصطفی ميراحمدزاد (د منتظري له شاګردانو) څخه او
يو زيات شمېر نور د اپوزيسيون غړي نيولي دي.
داسې
خبرونه هم خپاره شوي، چې صدرالدين بهشتي د عليرضا بهشتي زوی (د موسوي سلاکار ) او يو شمېر نور ﻻ تر
دې د مخه نيول شوي دي.
د
سياسي فعالينو د نيولو دغه لړۍ په داسې مهال پيليږي، چې په ايران کې په اصطلاح د
اسلامي انقلاب 32 مه کليزه و نمانځل شوه او د دغه هېواد جمهور رييس
محمود احمدي نژاد د لويو ﻻسته راوړونو خبرې کولې.
له بلې
خوا ايران د مصر او نورو عربي نړۍ د ﻻريونونو او پېښو په هکله داسې ډنډورې پيل کړي، چې ګواکي د مصر
خلک د ايران د اسلامي انقلاب نه په الهام اخيستلو سره پاڅون کوي ، په داسې حال کې
چې اوس هم يو زيات شمېر خلک د ايران د حکومت له ﻻسه د مهاجرت شپې ورځې تيروي.
د نړۍ سياستوالو پر ايران نيوکه کړې او وايي :
هغه څه چې ايران د مصر خلکو لپاره د شرافت وړ بولي د ايرانيانو لپاره يې ناقانونه
بللي.
