اتل پښتون د ډنمارک څخه
دقران دسپکاوې یو بل جنایت
تیره ورځ یوه دوست راته د ناروې د مرکز ، اوسلو ، څخه تیلفون وکړ او د یوې ډیرې لړزونکې ناخوالې څخه یی خبر کړم چې ماته د افسوس وړ هم وه او د ټولو افغانانو له پاره د شرم سبب هم .
هغه دوست ماته په تفصیل سره وویل چې : د « ختم نبوت » په نامه یو کتاب چې د شیخ عبدالسلام رستمې لیکنه او څیړنه ده او څه موده مخته دلته په فروسټ کې د قادیانیانو یا درسول الله صلی الله علیه وسلم د نبوت د منکرینو احمدیانو ددویم نړیوال مرکز د جوړښت نه وروسته د یو شمیر افغانانو د غوښتنو له مخې په پښتو ژبه د قریب الرحمن سعید لخوا په پښتو روانه ژبه ژباړل شوې اوبیا د همدې ځاې د یوه اوسیدونکې افغان جمال مومند لخوا چاپ کړل شوې ،دلته په فروسټ کې د سیرت النبي د ورځې د کانفرانس په وخت کې دخلکو د ویشلو له پاره راوړل شوې و خو په خلکو کې د ویشلو په ځاې د جومات د مسؤل له اړخه په کثافت بکس کې ور غورزول شوې دې .
ددې کتاب یو کاپې ماته هم ددې همدې دوست له لارې را رسیدلې ده .
په دغه کوچنې کتاب کې، په رسول الله صلی الله علیه وسلم باندې د نبوت دپاې ته د رسیدو له پاره ګڼ شمیر قراني ایتونه ، پخپله د رسول الله صلی الله علیه وسلم احادیث او بیا پخپله د همدې میرزایانو دکاذب نبوت دعوه کونکې دکتابونو اولیکنو څخه اقتباسات را نقل کړل شوي او په کې دا ثابته شوې ده چې د رسول الله صلی الله علیه وسلم نه وروسته بل کوم نبي نشي راتلاې او داچې د نبوت لړۍ په اخري نبې رسول الله صلی الله علیه وسلم باندې پاې ته رسیدلې ده اودهغې وروسته چې هرڅوک دنبوت دعوه وکړي نوهغه به درواغژن او کاذب انسان وي .
خو ددې دوست تیلفوني خبرو زه هغه وخت ډیر غمژن کړم چې راته یی وویل چې څرنګه چې د فروسټ په دې جومات باندې یوشمیر پخواني کمونستان واکمن دي او په سر کې یی هم دهمدې کمونستانو پخوانې ملګرې چې بیاوروسته یی دمجاهد لباس واغوست ، ناست دې او د جومات څخه یی د فاتحه اخستلو سالون جوړ کړې ، دغه کتابونه ، چې په قراني آیتونو او نبوي احادیثو باندې مشتمل و، هلته د یوې سترې مغازې په کثافت بکس کې ور اچولي ، په داسې حال کې چې په دې کثافت بکس کې د خنزیر کثافات او پاته شوې مواد د نورو کثافتونو سره یوځاې ور غورزول کیږي .
ددې خبرې په اوریدو مې د قران کریم دا آیت مخې ته راغې چې وایی « که چیرې ستاسې پلرونه ، زامن، ورونه او ښځې ، خپلوان ، مالونه او تجارت او هغه کورونه چې تاسې یی خپل ځان ته را ښکلي یاست ، د الله او دهغې درسول او دالله په لاره کې دجهاد څخه غوره وي نو بیا خو د الله د پریکړې انتظار وکړئ ، ....» په خپله د رسول الله صلی الله علیه وسلم څخه را نقل شوي دي چې ویلې یی دي : هغه چا ته زه د خپل پلار ، مور او ....څخه ډیر ګران او محبوب نه اوسم نو هغه دایمان خاوند نه دې .
د جومات د مسؤل ددې ناروا او غیر انساني عمل څخه داسې ډاګیزیږي چې دغو کسانو د خلکو دغولولو له پاره د جومات تر نامه لاندې دخپلو غونډو او میلو له پاره ځاې رانیولې او د کرایی دپوره کولو له پاره یی دخلکو په سترګو کې هغه ته د جومات نوم ورکړې ، دا چې دوی یو ځل بیا د قران اود الله درسول (ص) دومره بې عزتي کړې چې ددین پورې اړوند دا کتابونه یی بې له کوم دلیله په کثافت ځاې کې ورغورځولي ، د ټول افغان ولس او په ځانګړې توګه د دین او پښتو ژبې مینه والو ته دژور خفګان سبب ګرزیدلې دی . په دې ډاډمن یو چې ټول مینه ناک پښتانه او دینداراه افغانان به دغه غیر انساني عمل په سختو ټکو و ټکوي او دخپل اخري نبي ، رسول الله صلی الله علیه وسلم، سره به خپله مینه څرګنده او خپل ایمان به تازه کړي . ( انا لله و انا الیه راجعون )
اتل پښتون د ډنمارک څخه
