.jpg)
احمدیار غرنی افغانستان کې د کاروبار پیلېدو لپاره افغانانو سره د پانګهونې برخه کې مرسته کوي
افغان پانګهوال او د غرني ګروپ شرکتونو مشر احمدیار غرنی وايي، هېواد کې د کاروبار زیاتېدو لپاره هغو افغانانو ته - چې د کار پیلېدو طرحې، نوښتونه او اختراعات لري- له پلان سره سم، پانګه ورکوي.
ده روهي وېبپاڼې ته وویل:«د افغانانو د هڅونې په موخه او هېواد کې د کاروبار زیاتېدو لپاره غواړم، په کور دننه او بهر افغانانو ته د وړو او متوسطو کاروبارونو لپاره له پلان سره سمه پانګه ورکړم، څوک چې ګران هېواد د بیارغونې او ابادۍ رښتینی فکر لري خو مالي او مادي ستونزې یې نه پرېږدي چې دوی خپل فکرونه په عمل بدل کړي.»
دی وايي، هرڅوک کولی شي چې د خپل راتلونکي کاروبار په اړه مستدلللې طرحې، نوښتونه او اخترعات له کاري پلانونو سره دوی سره شریک کړي څو یوه ځانګړې کمېته یې وارزوي.
هغه زیاته کړه چې منل شوي کسان خبرواترو ته بلل کېږي او د دواړو اړخونو له هوکړې سره سم ټاکل شوي شخص سره د پانګهونې مرسته کېږي.
غرنی زیاتوي: «موږ ته د ښه کاروبار طرحه مهمه ده، که هغه په هره برخه کې وي خو چې د افغانستان له شرایطو سره مناسب وي او د پلي کېدو وړ وه اوسي، موږ یې پلي کوو.»
ده وویل، له دې وروسته دې هېڅ افغان دا اندېښنه نه لري چې ګواکې د کاروبار طرحه او نظر لري خو پیسې نه لري ځکه په خبره یې: «دوی دې راوړاندې شي، پیسې موږ ورکوو خو چې کار وکړي.»
.jpg)
