ايران کې د ډرون بريدونه؛ پوځ يې وايي چې الوتکې یې رانسکورې کړې 

د ايران په اصفهان ولايت کې ناپېژنده ډرون الوتکو بريدونه کړي. دغه بریدونو مالي زيان اړولی خو ايراني چارواکي وايي چې چا ته د سر زيان په کې نه دی رسېدلی. 

د ايران دفاع وزارت ويلي دي، چې يوه ډرون الوتکه يې رانسکوره کړې او دوه نور يې په دفاعي جال او لومه کې بندې شوې چې وروسته دغه ډرون الوتکو خپله چاودنې کړې دي. 

تر اوسه مالومه نه ده، چې دغه ډرون الوتکې د کوم هېواد اړوند وې او څه ډول د ايران خاورې ته دننه شوې، خو ايران ډېر ځلې په دې ډول بريدونو امريکا تورنوي.