تېره يوه مياشت کې د سېلابونو له امله اوښتي انساني او مالي تلفات 

پېښو ته د رسېدو په چارو کې د دولت وزارت شمېرې ښيي چې تېره يوه مياشت کې هېواد بېلا بېلو ولايتونو کې ۱۶۳ تنه مړه شوي او درې سوه نور کسان ټپيان شوي دي. 

ددغه ادارې د مالوماتو پر بنسټ له ذکر شوي انساني  تلفاتو وراېخوا، په زرګونه څاروي هم مړه شوي؛ په ګڼ شمېر کرنيزې ځمکې، هټۍ، د خلکو  کورونه او نورې ودانۍ وېجاړې  شوې دي. 

حکومت او خيريه بنسټونه هڅې کوي چې د سېلابونو له امله زيانمن شويو خلکو ته مرستې ورسوي، خو خلک شکايت کوي، چې په هغه اندازه چې ورته اړتيا ده، بېړنۍ مرستې نه دي رسول شوې.