روهي (څلورنۍ/۲۹ د غوايي)، د جمهوريت د سولې مرکچي پلاوي يوه غړې حبيبه سرابي وايي چې دوحې ته د حکومت او طالبانو د سولې مرکچي پلاوو د غړو په بېرته تګ سره بين الافغاني خبرې بيا پيليږي.
سرابي ويلي دي چې اوس مهال د طالبانو امارت ډېری غړي اسلام اباد او د جموهوريت پلاوي ډير غړي په کابل کې دي، چې د بېرته سره يې د سولې خبرو پر اجنډا بيا بحثونه شروع کيږي.
حبيبه سرابي دا هم ويلي دي، چې دا ځلې به د حکومت او طالبانو د مرکچي پلاوو ترمنځ د سولې خبرې به پايله لرونکې وي.
په دې وروستيو کې د طالبانو او حکومت ترمنځ د سولې خبرې ځنډېدلې دي او په څنګ کې د هېواد په څو ولايتونو کې جګړې زور اخېستی دی.
