روهي (دوه نۍ/۶ د غوايي)، تېره ورځ د کابل ښار په برچي دښتې نومي سيمه کې وسله والو غلو د سمیعالله زارع په نوم يو سرتيری وژلی او ور سره پيسې ترې وړي دي.
د سمیعالله زارع کورنۍ وايي چې دوی کور خرڅ کړی وو، کله چې سمیعالله زارع د معاملاتو لارښوونې دفتر څخه يو مېلېون افغانۍ را واخېستې او د کور په لور وران وو، وسله والو غلو ترې پيسې اخېستي او دی يې وژلی.
دوی له حکومت غوښتنه کوي چې د سمیعالله زارع وژونکي پيدا او قانون دې پرې پلی کړي. د وژل شوي ځوان د کاکا زوی نقیبالله فروتن پر حکومت نيوکه کوي او زياتوي چې هره ورځ ځوانان وژل کيږي خو حکومت يې يوازې ننداره کوي.
د نښلونکو ماينونو چاودنې، وسله والې غلاوې او موخيزې وژنې هغه څه دي، چې د کابل پر ښاريانو يې ژوند تريخ کړی دی.
