روهي (نۍ/۲۸ د وري)، يمن کې مېشتو حوثي جنګياليو د سعودي عربستان په يو شمېر مهمو ښارونو د بالسټيک توغنديو او بې پېلوټه الوتکو بریدونه کړي دي.
حوثي جنګياليو د سعودي عربستان په شمال برخ کې جازان ښار په بالسټيک توغنديو وېشتی، چې له امله يې د ارمارکو په نوم د تيلو يو دولتي زېرمتون اور اخېستی دی.
د سعودي عربستان چاوراکو ويلي دي چې جازان ښار په شااوخوا کې يې د پنځو بالسټیتيک توغنديو او څلور ډرون الوتکو پاتې شونې موندلې دي.
