روهي (درې نۍ/۱۷ د وري)، د افغانستان د مصالحې عالي شورا مشر ډاکټر عبدالله عبدالله هيله ښوودلې ده چې د ترکيې په کوربتوب د استانبول ناسته به افغانستان کې د يوې تل پاتې سولې سبب شي.
نوموړي دغه څرګندونې نن ورځ د مصالحې عالي شورا په چوکاټ کې د سيمه ييزو او نړيوالو اړيکو کمېسيون څلورمه ناسته کې کړې دي. د مصالحې عالي شورا مشر ويلي دي چې د يادې ناستې له لارې به د افغانستان روانه شله کلنه جګړه پای ته ورسيږي.
نوموړي دا هم ويلي دي چې د ټواو هڅه دا ده چې د ترکيې ناستې کې د افغانستان پلاوی يوه واحده طرحه ولري او ټول - شموله وسي. ده دا هم ويلي دي چې د مصالحې عالي شورا د طرحو په توحيد کار کوي.
ډاکټر عبدالله عبدالله افغان ميرمنو ته هم ډاډ ورکړی دی چې د استانبول ناسته کې به يې ونډه پراخه او ځای به يې ځانګړی وي.
