روهي (څلورنۍ/۱۱ د وري)، د سعودي عربستان حکومت اعلان کړی دی چې تر ۲۰۳۰ ز کال پوري به د ملي اقتصاد په برخه کې درې اعشاريه دوه ترېلېونه امريکايي ډالر پانګونه وکړي.
د سعودي عربستان وليعهد محمد بن سلمان دغه هېواد له ملي تلويزيون اعلان کړی دی چې دغه پيسې به د سعودي عربستان د کورني اقتصاد په بېلا بيلو برخو کې مصرف شي.
د نوموړي په وينا دغه پيسې به د سعودي عربستان د ملي بودجې او د شاهي دولت له خزانې ورکول کيږي.
