روهي ( نۍ / ۳۰ د کب )، د کونړ ملي امنیت ادارې له خوا یوتن سوداګر عصمت خان د تښتوونکو له بند خلاص او خپلې کورنۍ ته وسپارل شو.
د کونړ ملي امنیت مطبوعاتي دفتر رسنیو ته لیږل شوي خبرپاڼه کې ویلي چې خوست ولایت اوسیدونکی عصمت خان پنځلس ورځې وړاندې له ننګرهار ولایت څخه اختطاف شوی و.
بیان کې د راغلو مالوماتو له مخې یاد کس د ملي امنیت ادارې له خوا د اختطاف کوونکو له منګلو خلاص او د تښتوونې په تور یې دوه تنه نیول شوي، چې لومړیو پلټنو کې یې په خپل جرام اعتراف کړی دی.
