روهي (جمعه/۳ د سلواغې)، واشنګتن پوسټ ورځپاڼې په خپلې يوې تازه مقالې کې لېکلي دي چې د امريکا متحدو ايالتو پخواني ولسمشر ډونالډ ټرمپ د خپل واک د دورې په څلورو کالونو کې له ۳۰ زره زيات دروغ او نه شونې خبرې کړې دي.
يادې ورځپاڼې لېکلي دي چې د امريکا د اقتصادي ځواک لوړول هغه موضوع ده چې ټرمپ په لسګونه ځلې ياده کړې خو عمل يې پرې نه ده کړی. ټرمپ ژمنې کړې وې چې د امريکا متحدو ايالتو اقتصاد به له تېر ډېر ښه کړو، خو دغه ژمنه پلې نه شوه.
د امريکا د پخواني ولسمشر ډونالډ ټرمپ د دروغو ډېره سلنه د ټاکنو په لومړي او دويم کمپاپن کې ښوودلې شوې ده. ۲۰۱۶ کال کې د ټرمپ ژمنې چې واک ته په رسېدو سره يې پلې نه کړې د دورغ ستره برخه جوړوي.
همدا ډول ټرمپ د جوبايډن سره د ټاکنيزې مبارزې پر مهال دروغ ويلي او د ټاکنو له تر سره کېدو وروسته د نوموړې هغه ادعاوې چې ټاکنو کې درغلۍ شوې او ده ټاکنې ګټلي دي، د نوموړي د ادعاوو او دروغو ثبتونه ښوودل شوي دي.
د يادونې ده چې ټرمپ دوه ورځ وړاندې سپينه ماڼۍ پرېښوده خو تر اخيره يې په دې خبرې ټېنګار کولو، چې ټاکنو کې درغلۍ شوې او رېښتنې رايې ده ګټلې وې.
