روهي (یوه نۍ/۲۱ د مرغومي)، د اندونیزیا چارواکي وایي، هغه الوتکه چې تېره ورځ له پراوز وروسته نادرکه شوه سمندر ته لوېدلې ده.
پرون د اندونیزیا یوه الوتکه چې له پلازمینې جاکارتا والوته څو دقیقې وروسته یې له هوايي ډګر سره اړیکه پرې شوه او د ورځې په پای کې امنیتي ځواکونو د الوتکې د لوېدو ځای پیدا او خبرداری یې ورکړ چې یاده الوتکه له جاکارتا سره نږدې یوه سمندر کې لوېدلې ده.
د اندونیزیا چارواکو خبر ورکړی چې د ژغورنې ډله په عملیاتو بوخته ده او هڅه کوي ژر تر ژره د قربانیانو جسدونه له اوبو له وباسي.
د راپورونو له مخې په نسکوره شوې الوتکه کې ۶۲ کسان سپاره وو، چې ویل کیږي له ډلې یې اووه ماشومان وو.
