ولمه : ما سره خبرې مه کوه
شالون : تا سره کله خبرې کیږي، د غوسې رنګ مې نن
ولید چې رښتیا هم سور وي
ولمه : او ما د بې وفایۍ څېره ولیدله
شالون : اوس داسې مه وایه نو چې زما څيرې ته ورته ده!
ولمه : پوهیږې، خلک وايي د مینې شرک، بې وفايي ده
شالون : خلک دا ولې نه وايي چې د مینې مرګ، بې اعتنايي او بې تفاوتي ده!
ولمه : داسې خلک هم شته بیا چې د مینې له شرک نه د مینې مرګ غوره ګڼي
شالون : خلک نو اول مینې ته دومره لوړ مقام ولې
ورکوي، چې ګناه او ثواب ور پورې و تړي
ولمه : ما سره خبرې مه کوه
شالون : تا سره خبرې نه کیږي، تا سره کله خبرې کیږي!!
