روهي (نۍ/۱ د لېندۍ)، پخواني افغان ولسمشر حامدکرزي پر کابل ښار ننني بريدونه پر سختو ټکو غندلي دي. پخواني ولسمشر د پېښې په اړه اندېښه ښوودلې او غېر انساني عمل يې بللی دی.
پخواني ولسمشر حامد کرزي د بريد د غندلو ترڅنګ ويلي دي چې داسې کړنې د هېواد د دښمنانو کار دی او د سولې هڅې پرې سستوي.
له پخواني ولسمشر وراېخوا د هېواد نورو سياسي مشرانو هم پر ننني بريد خواشيني ښوودلې او قربانيانو ته يې تسليت وړاندې کړی دی.
نن سهار پر کابل ښار ۲۳ توغندي توغېدلي چې ۸ کسان يې وژلي او تر ۳۰ نور په کې ټپيان شوي دي.
