روهي (پنځه نۍ/۸ د لړم)، لکه څه ډول يې چې له نوم ښکاري، (G-Mail) برېښناليک يا Electronic Mail د ګوګل کمپنۍ اړوند دی او په همدې اساس ورته G مېل وايي. يانې د Google ليک.
ګوګل چې يو پراخه د ټېکنالوژۍ کمپني دي، په لسګونه انټرنېټي برخه لري لکه جي مېل، ګوګلو فوټوز، ګوګل مَپز، جي بورډ او نور. د جي مېل (G-Mail) د لوګو بدلون هم ګوګل کمپنۍ په دې پار کړی دی، چې رنګ يې د ګوګل نورو آپلېکېشنونو ته ورته شي.
پخوا د جي مېل (G-Mail) لوګو د لېک پټ د انګلېسي ژبې د M توري په بڼه جوړ شوی وو، چې په سور او سپين رنګونو وه، خو اوس په کې د ګوګل اصلي رنګونه را خېستل شوي دي.
سور، ژيړ، شين او آبي يا اوبو رنګه؛ رنګونه د ګوګل کمپنۍ برنډ رنګونه دي چې په جي مېل کې هم ور اضافه شوي دي. په نوې بڼه د جي مېل په لوګو کې سور رنګ ډېر او ور سره نور رنګونه هم زيات شوي دي.
د جي مېل د لوګو په اړه، ګوګل کمپنۍ په يو شمېر هېوادونو کې له خپلو مشتريانو ان لاين سروېګانې کړې دي، خو ډېرو يې د جي مېل د نوې لوګو بڼه نه ده خوښه شوې.
