روهي (دوه نۍ/۱۴ د تلې)، د افغانستان د اسلامي جمهوریت جمهور رئیس محمداشرف غني د لوړ پوړي دولتي پلاوي په مشرۍ قطر ته په دوه ورځني رسمي سفر نن غرمه پلازمېنې دوحې ته ورسېد.
جمهور رئیس غني ته د دوحې په بین المللي هوایي ډګر کې د قطر بهرنیو چارو کې د دولت وزیر په یو لړ ځانګړو مراسمو کې تود هرکلی ووایه.
په پام کې ده چې جمهور رئیس غني پلازمېنه دوحه کې د قطر امیر، لومړي وزیر او نورو مقاماتو سره پر کتنو سربېره دوحه انسټیټیوټ کې ډيپلوماتانو، استادانو، پوهانو او محصلینو ته وینا هم وکړي.
