روهي (څلورنۍ/۹ د تلې) د بدخشان له کوهستان ولسوالۍ راپورنه وايي چې د دغه ولسوالۍ امنیه قومندان عبدالظاهر د طالبانو په يو بريد کې وژل شوی دی. د طالبانو دغه بريد کې دوه نور پوليس هم وژل شوي دي.
د بدخشان ولايتي مسوولين وايي چې طالبانو تېره ورځ پر کوهستان ولسوالۍ بريد وکړ چې د پوليس له متقابل بريد سره مخ شوي دي.
د بدخشان د پوليسو وياند ثناالله رسنيو ته ويلي دي چې دغه بريد کې څلور طالبان هم وژل شوي دي او پنځه نور په کې ټپيان شوي دي.
