انګلېسي يوه نړيواله ژبه ده او اوس وخت کې زده کړه اړتيا بلل کيږي. انګلېسي ژبه پراخه ګرامر، لغات او پيچلی تلفظ لري. د انګلېسي ژبې د زده کړې د نورو برخو ترڅنګ سم تلفظ هم اړين دی، ترڅو تاسې د نورو او نور خلک ستاسې په خبرو پوهه شي. دلته د انګلېسي ژبې د سم تلفظ لس لارې - چارې درته په ګوته کوو.
۱- د خپلې خولې او شونډو حرکتونو ته ځير شئ Notice how your mouth and lips مو:
د خبرو پر مهال مو خوله او شونډې حرکت کوي. د هندارې په مرسته دغه حرکتونه وپېژنئ او بيا چې هر کله خبرې کوي، نو کلمې په يو ډول تلفظ کړی. د بېلګې په ډول هر کله چې د pool او poll دوه انګلېسي کلمې بيلا بېل تلفظ لري، او د تلفظ پر وخت يې د شونډو او خولې حرکتونه توپيري وي.
۲- د خپلې ژبې حرکتونو ته متوجې وسئ Pay attention to your tongue:
د R او L کلمې په تلفظ کې سره نېږدې دي. تاسې يو ځل R تلفظ کړئ او د ژبې حرکت مو وګورئ او بيا L تلفظ کړئ او د ژبې حرکت مو وګورئ، چې څه توپير شتون لري. د R د ويلو پر وخت د ژبې سر لاندې غاښونو ته لګيږي او بيا د L د تلفظ پر مهال د ژبې سره پاس غاښونو ته نېږدې کيږي خو ورسره لګيږي نه.
۳- کلمې په برخو يا سيلابونو ووېشئ Break words down into sounds:
ځيني وخت دا ستونزمنه وي چې يو کلمه تلفظ کړئ، کلمه په برخو ووېشئ او بيا يې هر برخه يا سيلاب جدا جدا تلفظ او په دې ډول تمرين وکړئ. د بېلګې په ډول که چېرې د سيلاب يا syllable کلمه نه شی تلفظ کولی نو په دې ډول يې په برخو تقسيم او بيا پرې تمرين وکړئ، syl-la-ble يانې سېل.لا.بل.
۴- پر ځينو کلمو او غږونو فشار راوړئ Add stress to sounds and words:
د انګلېسي ژبې ټولې کلمې چې د يوې جملې دننه راځي په يو ډول نه تلفظ کيږي، بلکې کلمې د جملو په سر، منځ او پای کې په فشار، لاندې او باندې غږونو سره ويل کيږي. پر کلمو فشار يا stress يو ځانګړی بحث دی چې په پلي کولو سره يې کولی شئ يو اغېز لرونکی تلفظ ولرئ.
۵- د انګلېسې يوه ځانګړې لهجه ځان لپاه وټاکئ Ask yourself which dialect of English you want to learn:
انګلېسي ژبه اوس مهال America, England, Australia ,New Zealand Canada
South Africa يانې امريکايي، انګلېسي، افريقايي، اسټراليايي او نورې لهجې لري. تاسې يې یوه وټاکئ، هغه تمرين او پرې کار وکړ. مطلب هڅه وکړئ چې يو ځانګړې لهجه باندې د خبرو وړتيا ولرئ نه دا چې يوه جمله په يوه او بله جمله په بله لهجه کې وايئ.
