روهي( یوه نۍ/۲۲ د غوایي )، د رسۍ لوبه د ماشومانو د خوښۍ لوبه ده او یاده لوبه ماشومانو د صحت لپاره خورا ګټه رسونکې هم ده.
د رسۍ لوبې یوه لویه فایده دا هم ده چې نه کوم استاد ته ضرورت او نه کوم ځانګړي میدان او یا کوم لګښت ته چې د ماشوم توان ورته نه رسېږي.
راځئ چې وګرو دا لوبه کومې ګټې لري؟
وزن کمېدل
د نورو لوبو په څېر د رسۍ لوبه هم د یو انسان په وزن کمېدو کې پوره مرسته کوي او د ماشوم بدن هم متحرک ساتي.
د بندونو قوي والی
د رسۍ لوبې سره د بدن ټول غړي حرکت کوي او د بدن بندونه ورسره قوي کېږي.
د قد لوړوالی
دا لوبه د یو انسان قد هم لوړوي ډاکټران وایي چې هغه کسان چې ټيټ قد لري باید هره ورځ د رسۍ لوبه وکړي.
د دماغو روغ ساتنه
د رسۍ لوبه د نورو ګټو ترڅنګ د یو ماشوم د ذهن د تېز کار کولو لپاره هم ډېره ښه ده او د یو ماشوم بدن ورسره په یو شان نمو کوي.
ژباړن: محمد مبین هڅاند
