اسدالله زمری
د۱۲۹۸ کال د اسد د ۲۸نیټې د ګران هيواد د آزادۍ د اعلان د ورځې او
د مسعود د مرګ یعنې د رژيم د «روز شهدا»د لمانځلو د محکومولو
په مناسبت
ته دکلونو او قرنونو ترڅ کې د هر محکوم د زړه لمړی آرمان يې
ته يې مرام د استبدا د بندي د اسيرانو د هر درد درمان يې
د طبعيت نه د انسان لپاره يوه خوږه او بې بها تحفه يې
ته د هر چــــا د پاره لويه آرزو په ښو صفاتو لکه فرشته يې
خو چې د څوانسان نما وحشيانو د شومو هيلو د يو کنيزه کړلې
د تا پر تخت تور اسارت دیره شو ته یې د پلید مرام سریزه کړلې
چې تا د ځان کړي ای حسېنې ناوې له سره تیر څه دنګ ځلمیان چې نه شول؟!
چې ستا خوږه وږمه تل وچلیږې د جېل خوراک څه اتلان چې نه شول؟!
ستا رسیدو لپاره ډیرې سینې په مردکو سورۍ سورۍ شولې
چې په ارمان دې د زرګونو ځلمو تر خاورو لاندې ښې ځوانۍ شولې
د تا لپاره دانسان آرمانه د نړۍ واړه محکومان هڅیږي
چې ته د ټولو د ژوندون نغمه شې د حاکمانو خوني لاس غوځیږي
که زما ژوند ټول اسارت کې شي تير آرمان به نه لرم وروستۍ سلګۍ کې
که مې دغه یوه آرزو شي پوره : چې نفس ورکړمه زه آزادۍ کې
۸/ ۹/ ۱۳۵۶
خيرخانه کابل
