روهي (څلورنۍ /۱۳ د چنګاښ)، د راپورونو له مخې د سوريې په (حمص) ښار کې د داعش ډلې د مشر ابوبکر البغدادي زوی وژل شوی دی.
په داعش ډلې پوري يوې اړوندې سرچينې ويلي، چې د ابوبکر البغدادي زوی (حذیفه البدري) په حمص ښار کې د النصری او روسيي جنګياليو سره د نښتې په ترڅ کې وژل شوی دی.
النصری جنګيالي د سوريې هېواد (علویان) دي، چې د ولسمشر بشرالاسد ملاتړي او کسان دي.
د داعش ډلې د مشر ابوبکر البغدادي د زوی (حذیفه البدري) د وژنې په اړه نور ډېر مالومات نه دي ورکړل شوي.
