روغتیا پالانو په تازه څیړنو کې موندلي هغه انسانان چې د خوب ګولۍ استعمالوي د سرطان او تومور په څیر په وژوونکو ناروغیو اخته کیږي.
دغه څیړنې د انګلستان، فنلینډ او ناروې روغتیايي کارپوهانو په وسیله ترسره شوې پر بنسټ د خوب ګولۍ د انسان پر روغتیا منفي اثر کوي او په بدن کې د مختلفو ناروغیو میکروب ژوندي کوي.
دڅیړونکو په باور د خوب ګولۍ په بدن کې د سرطان تولیدوونکي حجرات فعال او خپروي. د روغتیايي څیړونکو په وینا د۳۰ زره د خوب ګولۍ استعمالوونکي کسانو له څیړلو وروسته معلومه شوه چې د خوب ګولۍ انسان د خوله، پوزې، هوا اخیستلو نل او سږو په سرطان اخته کوي.
د څیړونکو په وینا هغه کسان چې په زیاته اندازه او اوږدې مودې لپاره د خوب ګولۍ استعمالوي د هغوي د بدن دفاعي سیسټم کمزوری کیږي او ډیر ژر په مختلفو ناروغیو اخته کیږي.
هغه کسان چې په دوامداره توګه په اونۍ کې دوه ځلي د خوب ګولۍ استعمالوي په هغوي کې په سرطان د اخته کیدو خطر نسبت عامو خلکو ته ۲.۵ سلنه زیاته وي. درې کاله او یا له هغې څخه زیاتې مودې لپاره د خوب ګولۍ استعمالول په سرطان د اخته کیدو خطر درې چنده زیاتوي.
د یوې روغتیايي راپور پر بنسټ له ۲۰۰۵ز کال څخه تر روان زیږیدیز کال یعنې ۲۰۱۵ پورې ۸۴۰ لکه کسان د سرطان له امله مړه شوي چې د روغتیايي کارپوهانو په وینا دغه شمیر مخ په زیاتیدو دی.
روغتیا پالان په دې ټینګار کوي چې دځینو ناوړه عادتونو او غیری صحي خوړو ځان وساتئ او په دوامداره توګه ورزش کولای شي چې ددې ناروغیو خطر مو کم کړي.
