د افغانستان کرکټ بورډ وایي چې د افغانستان او بنګله دیش ۱۹ کلنو کرکټ لوبډلو یو ورځنۍ دوهمه لوبه به سبا پیل شي.
د کرکټ بورډ ویاند فرید هوتک ویلي دي چې یاده لوبه به د شنبې سهار د افغانستان پر وخت ۷:۳۰ بجې پيل شي.
دا په داسې حال کې ده چې د یاد لوبډلو تر مینځ لومړنۍ لوبه پرون تر سره شوه چې افغان لوبډلې د ۱۴۵ منډو په لوی توپیر وبایلله.
د کرکټ مبصرین وایي چې د لوبغاړو په ټاکنه کې د واسطو شتوالي د دې مخه نیولې ده چې ټاکنه په عادلانه توګه تر سره شي. نو ځکه پرون افغان د ۱۹کلنو کرکټ لوبډلې په دومره لوی توپیر لوبه وبایلله.
