کافر دی!
نښتر کافر دی جینار کافر دی
په منځ یی وله منار کافر دی
جومات کافر دی امام کافر دی
ږیره کافره دستار کا فر دی
توره تیره کړه کور کې جهاد دی
چې لا لا مرتد شو پلار کافر دی
چې ته غازي شوې هغه شهید شو
روس کافر دی، میانمار کافر دی
ته په مونږه ایمانونه ویشې
خبر نه یی ستا بادار کافر دی
ستا له ملکه عیسویت خپریږی
ماته وایی چې دې ښار کافر دی
چې زما د کلي ماشي وژني
قاتل کافر دی خونکار کافر دی
ولې کافر دی؟ په څه کافر دی؟
پته نشته خو بس یار کافر دی
میرویسه پریده د تکفیر خبری
شاعر کافر دی ، شعار کافر دی
