د پاکستان کرکټ لوبډلې لوبغاړي شاهد اپریدي په خپل ټویټر پاڼه لیکلي دي چې د افغانستان کرکټ لیګ سیالیو (شپږیزه) کې ګډون نشي کولی.
نوموړي د نه ګډونه وجه په کورنۍ کې بېړنۍ مسئله ښودلې ده.
له اپریدي غوښتنه شوې وه چې په شپږیزه سیالیو کې د ملسمیار سپين غر پړانګانو لوبډلې کپتاني وکړي چې نوموړي یاده بلنه پخوا منلي هم وه، خو د هندوستان ټایمز په حواله چې د اپریدي په دې پریکړه د پاکستان کرکټ بورډ خپه و.
شنونکي وایي چې ښایي د نوموړي د نه ګډون اصلي سبب د پاکستان کرکټ بورډ ناراضتیا وي.
له بلې خوا د افغانستان کرکټ بورډ خبر ورکړی دی چې د مسلمیار سپین غر پړانګانو د روزنې لپاره د جنوبي افریکا ټیم لوبغاړی هارشیل ګیپس پرون کابل ته رارسیدلی دی.
