ښځــــــه حـــيا ده لوپټـــــه د عزت
ښځه ښکلا ده د ژوندون مرحمت
په يوه لاس ښځـــــه جهان زنګوي
په بل زانګو او ماشومان زنګوي
ګـــردې نړۍ کـــې قهرمـانې ښځې
سل افرين پــــه تا افغانــــې ښځې
په بسم الله باندې هر کار پيلوې
پاکې ستوره او مسلمانې ښځې
ښځه ښادي او خوشحالي د ژوندون
ښځــــه ډيـــــوه او رڼايي د ژوندون
ښځه غوټۍ ده دګلونو څانګه
ښځه ښکلا ده نورونو وړانګه
هره يو انسان ته محترمې ښځې
ماته له هر چانه معظمې ښځې
په پاکه غيږکې اتلان وروزه
هر تجاوز ته فاتحان وروزه
له تانه ځارشمه افغانې ښځې
اې په نړۍ کې قهرمانې ښځې
د سولې غږ په هر افغان ېې ښځې
ته حفيظ د زړه ارمان ېې ښځې
ستا دحيا ستا د عفت نه قربان
ستا د ايمان او عقيدت نه قربان
زرلښت حفيظ
